សាលាបាល់ទាត់ជាតិប្រកួតពានរង្វាន់ 2017 J League U-16 Challenge League នៅជប៉ុន

គ្រូបង្គោល U 17 សាលាបាល់ទាត់ជាតិនិយាយអ្វីខ្លះក្រោយទៅបោះជុំរំហ្វឹកហាត់និងប្រកួតពានរង្វាន់ 2017 J League U-16 Challenge League នៅជប៉ុន?

ក្រុមយុវជនសាលាបាល់ទាត់ជាតិបាទី អាយុក្រោម ១៧ ឆ្នាំ បានត្រលប់មកដល់មាតុប្រទេសវិញ នៅរសៀលថ្ងៃទី ២៨ ខែ មិនា ម្សិលមិញនេះ ក្រោយបញ្ចប់បេសកកម្មបោះជុំរំហ្វឹកហាត់ ក៏ដូចជាចូលរួមប្រកួតក្នុងពានរង្វាន់ 2017 J League U-16 Challenge League នៅប្រទេសជប៉ុន រយះពេល ១២ ថ្ងៃរួចមក។

ជាមួយនឹងការបោះជុំរំហ្វឹកហាត់ ក៏ដូចជាចូលរួមប្រកួតក្នុងពានរង្វាន់ 2017 J League U-16 Challenge League នៅប្រទេសជប៉ុន នេះ លោក Kazunori Inoue គ្រូបង្គោលនៃក្រុមយុវជនសាលាបាល់ទាត់ជាតិបាទី អាយុក្រោម ១៧ ឆ្នាំ បានបង្ហើបពីមូលហេតុនៃការទៅបោះជុំរំហ្វឹកហាត់នៅជប៉ុននេះថា៖ « នៅប្រទេសជប៉ុន នារដូវរងារ គឺពិតជាត្រជាក់ ប៉ុន្តែកីឡាកររីករាយជាមួយនឹងអាកាសធាតុនេះ។ វាគឺជាបទពិសោធន៍ដ៏ប្លែកមួយសម្រាប់កីឡាកររបស់យើង ដើម្បីសម្របខ្លួនមិនថាក្នុងបរិយាកាសណាក៏ដោយ ឬទោះបីជាក្នុងការប្រកួតដែលមានអាកាសធាតុត្រជាក់ខ្លាំងក៏ដោយ »។

« ជាមួយនឹងឱកាសមកកាន់ប្រទេសជប៉ុន នឹងធ្វើការប្រកួតជាមួយក្រុមនៃប្រទេសជប៉ុននេះ ធ្វើអោយកីឡាករមានការតាំងចិត្តខ្ពស់។ ស្របពេលដែលតតាំងជាមួយគូប្រកួត ដែលមានកម្រិតខ្ពស់ជាង អ្នកគួរតែយល់ថានេះគឺជារឿងចាំបាច់បំផុត »។ គ្រូបង្គោលសញ្ជាតិជប៉ុនរូបនេះបញ្ចាក់បន្ថែម។

ក្រឡេកទៅការប្រកួតដែលបានយកឈ្នះ ក្រុម Sanfrecce Hiroshima គ្រូបង្គោលដែលជួយអោយ ក្រុមបាល់ទាត់ជម្រើសជាតិកម្ពុជាអាយុក្រោម ១៦ ឆ្នាំ ឡើងដល់វគ្គពាក់កណ្ដាលផ្ដាច់ព្រ័ត្រ ក្នុងពានរង្វាន់ជើងឯកយុវជន អាយុក្រោម ១៦ ឆ្នាំប្រចាំតំបន់អាស៊ីអាគ្នេយ៍ រូបនេះបានលើកឡើងថា៖ « ក្រុម Sanfrecce Hiroshima គឺជាក្រុមមួយដែលខ្លាំងក្នុងការបណ្ដុះបណ្ដាលថ្នាលយុវជន ខ្ញុំគិតថាក្រុមខ្ញុំឈ្នះ Sanfrecce Hiroshima ដោយសារតែយើងការពារបានល្អ ខ្ញុំគិតថានេះជារឿងដ៏ល្អនៅក្នុងការយកឈ្នះគូប្រកួតដែលមានកម្រិតខ្ពស់ជាង ស្របពេលដែលយើងមិនអាចធ្វើវាបានឡើយល្អកាលពីឆ្នាំកន្លងៗទៅ »។

« ពួកគេត្រូវបានជម្រុញអោយមានការចាប់អារម្មណ៍ក្នុងទស្សនាទីក្រុង តូក្យូ ពួកគេប្រាកដជាមានអារម្មណ៍ថា ពួកគេនឹងចង់ក្លាយជាសមាជិកនៃក្លិបនៅលីគជប៉ុន (J League) នៅថ្ងៃណាមួយជាក់ជាមិនខាន »។ គ្រូបង្គោលដដែលរូបនេះភ្ជាប់សម្ដីឡើងជាពិសេស។

រំលឹកទៅសកម្មភាពរយៈពេល ១២ ថ្ងៃនៅឯប្រទេសជប៉ុន របស់ក្រុមយុវជនសាលាបាល់ទាត់ជាតិបាទី អាយុក្រោម ១៧ ឆ្នាំ ក្រោមការដឹកនាំរបស់ លោក Inoue Kazunori បានដឹកនាំយុវជនសាលាបាល់ទាត់ជាតិបាទី អាយុក្រោម ១៧ ឆ្នាំ ប្រកួតចំនួន ៧ ប្រកួត ក្នុងនោះ ឈ្នះ ២ ស្មើ ១ និងចាញ់ ៤ ដែលជាលទ្ធផលរួមមាន៖

ពានរង្វាន់នេះចាប់ផ្ដើមពីថ្ងៃទី ២៥ ខែ មិនា រហូតដល់ថ្ងៃទី ២៧ ខែ មិនា ឆ្នាំ ២០១៧ ដោយមានក្រុមចំនួន ១២ ចូលរួមប្រកួតប្រជែង បែងចែកចេញជា ២ ពូល ក្នុង១ពូលមាន ៦ ក្រុម។ ដើមឡើយក្រោយចប់ការប្រកួតនៅក្នុងវគ្គជម្រុះតាមពូល ក្រុមដែលមានចំណាត់ថ្នាក់លេខ ១ នឹងត្រូវជួបក្រុមដែលមានចំណាត់ថ្នាក់លេខ ១ នៃពូលផ្សេង ស្របពេលដែលលេខ ២ ត្រូវជួបក្រុមដែលមានចំណាត់ថ្នាក់លេខ ២ នៃពូលផ្សេង និងបន្តរហូតដល់ក្រុមលេខ ៦ ត្រូវជួបក្រុមដែលមានចំណាត់ថ្នាក់លេខ ៦ នៃពូលផ្សេងប៉ុន្តែដោយសារមានបញ្ហាអាកាសធាតុ (ព្រិលធ្លាក់ខ្លាំង) ការប្រកួតថ្ងៃចុងក្រោយត្រូវបានលុបចោលទាំងអស់ ។ ជាលទ្ធផលក្រុមយុវជនសាលាបាល់ទាត់ជាតិបាទី អាយុក្រោម ១៧ ឆ្នាំ ឈរនៅចំណាត់ថ្នាក់លេខ ៦ នៅក្នុងពូល A ស្របពេល Machida Zelvia ឈរកំពូលតារាង។

2017 J League U-16 Challenge League

កាលបរិច្ឆេទ            ប្រកួតទល់នឹងក្រុម        លទ្ធផល    ផ្សេងៗ

  • ថ្ងៃទី ២៥ ខែ មិនា    Yokohama FC       ០-២       ចាញ់
  • ថ្ងៃទី ២៥ ខែ មិនា    Hiroshima FC       ១-០       ឈ្នះ
  • ថ្ងៃទី ២៦ ខែ មិនា    Kashima Antlers   ០-១       ចាញ់
  • ថ្ងៃទី ២៦ ខែ មិនា    Machida Zilvia      ១-៣      ចាញ់
  • ថ្ងៃទី ១៧ ខែ មិនា    Kataller Tayama   លុបចោល    លុបចោល

Related Stories

Latest News

The Weekly DispatchA new weekly newsletter from The Cambodia Daily delivering news, analysis and opinion to your inbox. Published every Friday at 11:30am. Sign up today.